dcsimg Talittarfiit umiarsualiviillu - Ramboll Greenland
     
|
 
 
 
 
 
 
 
 
 
 
 
 
 
 
 
 

Talittarfiit umiarsualiviillu

Talittarfiliornermi umiarsualiviliornermilu suliniutit assigiiaartorparujussuarnik suliassartaqartarput, pilersaarusiorneri ilusilersornerlu piginnaanernik assiginngitsorpassuarnik pisariaqartitsisarlutik. Rambøll namminersortumik siunnersortitut sullissinermik pilersuisutut siuttuuvoq talittarfinnik pilersaarusiornermik ilusilersuinermillu suliaqarnerup iluani, umiarsualeriviliornermi, immallu sinaani ingeniøritut suliaqarnermi.

 
Port and marine structures
 
 

Sulisuvut tunniusimalluartut annertuumik misilittagaqarput nunap iluani nunallu tamarmik akornanni suliniutinit. Suliniutit angisuut mikinerillu suliarisarpavut sullitavullu suliniut killiffiini tamani sullittarlutigit – pilersaarusioqqaarnermiit piviusunngorsinnaaneranut misissueqqissaarnerup siulianiilli tamakkiisumik pilersaarusiornissamut, ilusilersuinermi suliarinnittussarsiornermilu.
 
Aammattaaq sullissinitsinnut ilaapput sanaartornermi, ingerlatsinermi, aserfallatsaaliuinermi, pikkorissartitsinermi pigisanillu nalilinnik aqutsinermi ikiorsiisarluta. Piffinni suliffeqarfinnik qanimut suleqateqartarpugut piffinneersunillu sulisoqartarluta. Ilisimasaat atorluartarpavut suliniutinillu ilusiliinitsinni atortarlutigit, piffinni atugassarititaasut aningaasaqarnerillu naapertorlugit.
 
Sullitatsinnut ilaapput talittarfinnut oqartussaasut ingerlatsisullu, namminersortut aningaasaliisartut ineriartortitsisartullu, aningaasaateqarfiit aningaasaliisartut nunallu tamarmik akornanni aningaasaateqarfiit.

Hambantota, Sri Lanka. Detailed feasibility study for new greenfield port

Sullississutigisartakkavut

Rambøllip suliniutit angisuut mikinerillu ingerlattarpai. Sullissinitsinnut ilaasarput pilersaarusiornermi killiffiit tamarmik, ilusilersuineq, sanaartorneq, ingerlatsineq, aserfallatsaaliuineq pikkorissartitsinerlu. Sullissinitta ilagaat:
  • Piviusunngorsinnaaneranik misissuinerit  
  • Piffiit ornillugit misissuiartornerit
  • Immap killingani erngup qanoq issusaanik naliliinerit
  • Sinerissamik aqutsineq
  • Talittarfissanut tamakkiisumik pilersaarusiorneq
  • Talittarfissanik pilersaarusiorneq
  • Talittarfiit quersuassaanik pilersaarusiorneq
  • Talittarfiit atortulersuutissaanik pilersaarusiorneq
  • Avatangiisinut sunniutissanik naliliineq
  • Navianarsinnaasunik naliliineq
  • Talittarfissat ilusilersornissaannut suliniutit
  • Talittarfiit allilerneqarnissaannut suliniutit
  • Talittarfiit sanaqqinnissaanut suliniutit
  • Marinanik suliniutit
  • Itinerulersitsinissamut imaanilu suliniutit
  • Talittarfinnik aserfallattaaliuineq.
     

Piviusunngorsinnaaneranik misissuinerit

Imminnut ataqatigiissaartumik ineriartortitsinissamut takorluukkanik suliarinninneq aallaavigalugu piviusunngortinneqarsinnaaneranik misissuisarpugut immikkullu ilisimasalinnik siunnersortinik sullissisoqartarluta, talittarfinnut tamakkiisumik pilersaarusiornermi. Piviusunngorsinnaaneranik misissuinerit imaqakkajuttarput teknikip tungaatigut misissuinernik, angallannermik misissuinernik, aningaasaqarnikkut misissuinernik avatangiisinullu sunniutaasussanik misissuinernik. Aammattaaq Rambøll isumassarsianik ilusilersueqqaarnernillu ikiuisarpoq, oqartussat isumagisarlugit ineriartortitsinermullu anguniagassat isumagisarlugit.
Vuosaari Harbour, Port of Helsinki, Finland. Design of the new port

Talittarfissanik pilersaarusiorneq

Talittarfeqarnermut oqartussaasut alliliinissamik talittarfimmilu atortorissaarutinik nutarsaanissamik eqqarsaateqaraangamik nutaanik anginernilluunniit umiarsuarnik inissaqartitsiumallutik atortorissaaruterpaaluit allanngortitigassaalertarput. Tamakkununnga ilaapput umiarsualivik nunalittarfik, nunami quersuit ilioqqaaviillu, pituttarfeqarneq neriuinaveersaateqarnerlu. lloriarneq siullerpaaq tassaavoq atortorissaarutinik naliliineq misissueqqissaarnerlu taamaaliornikkullu Rambøll talittarfinnut oqartussanik ikiuisarpoq.
 

Talittarfinnik ilusilersuineq

Rambøll nunani assigiinngitsuni nutaanik talittarfiliornissanik suliniutini arlalinni peqataasarsimavoq talittarfeqarnermilu oqartussat kommunillu ikiorsinnaallugit ilusilersuinerup iluani sutigut tamatigut, isumassarsianillu ilusilersuinermi sukumiisumillu ilusilersuinermi nakkutilliinermilu. Rambøll misilittagaqarpoq umiarsualiviliornermi suliassani assigiinngitsuni tamani, umiarsualivinnit mikisunit talittarfinnut angisuunut.
Malmö, Norra Hamnen. Design of the new Ro-Ro Terminal

Sanaqqinnermik sullissinerit

Imminut akilerluarsinnaasunik pioreersunik sanaqqinnikkut atorsinnaanerinik sivitsuisoqarsinnaavoq, sanaqqinnermik suliaqarneq piffissaq eqqortoq aallartinneqarpat. Taamaanngippat sanaqqinneq annertullunilu aningaasartuutaangaatsiassaaq, sananeqarneranik tamakkiisumik aallaqqaataaniit sanasoqartariaqarluni. 
 

Avatangiisit sunnerneqarnissaannik nalilersuinerit

Ullutsinni sineriaqarfinni sanaartorluni suliniutini suniluunniit avatangiisinik eriaginninneq aalajangiiniarnermi ilanngunneqartarpoq. Taamaammat pisariaqakkajuttarpoq avatangiisit sunnerneqarnissaanik misissuisoqartarnissaa, taaneqartartoq avatangiisinik sunnerneqarnissaannik nalilersuinerit (EIA – Environmental Impact Assessment).
 

Sinerissami aqutsineq

Sineriaqarfinni nutaamik ineriartortitsinerit imartatigut silallu pissusaatigullu allangorarnerujussuit pigisanut nalilinnut sunniuteqartarput nutaanillu piumasaqaatinik pilersitsisarlutik. Rambøll sinerissamik illersuisussanik aaqqiissuteqartarpoq pilersaarutinik ilusilersuinernillu, immikkullu ilisimasalittut siunnersuisarluni sinerissamik aqutsinermi.
 

Pigisanik nalilinnik aqutsineq

Talittarfinni pigisanik nalilinnik pitsaasumik aqutsineq assigiinngitsorpassuartigut suliassartaqarpoq sammisallu sullissinerillu arlallit ilanngunneqartariaqarlutik. Taamaakkaluartoq akimmisaarfeqanngitsumik suleriaaseqarnikkut periaatsillu sammisanit allanit ilisimaneqareersut misilittarneqareersullu atornerisigut ajornaatsumik aningaasartuutillu atugassarititaasut iluanni suliarineqarsinnaapput. 
 
Periutsip tamassuma aamma siunissami aningaasartuutissat missingersiorsinnaassavai, isumannaallisaanermik pitsaanerulersitsilluni, unittoornernillu naatsorsuutaasimanngitsunik sapinngisaq tamaat pinngitsoortitsisinnaalluni.   
Port of Gothenburg, Sweden. Port modernisation projects

Piffinni suleqateqarneq

Rambøll piffinni suleqateqartarpoq, piffinnilu ilisimasanik sulisunillu atorluaasarluni. Suleqatigiinnerit taakku aqqutigalugit, nunanit tamanit ilisimasat teknologiilu piffinni suleqatinut ingerlateqqinneqartarput, suliniutillu tamatigut suliarineqartarput piffinni atugassarititat aningaasaqarnerlu naapertorlugit. 
 
Pisariaqartillugu Rambøll aamma ilisimatusarfinnik suliffeqarfinnillu immikkut ilisimasalinnik suleqateqartarpoq teknikip tungaatigut ikiorserneqarnissap tungaatigut tamakkiisumik suliniutit inerneqartikkusullugit.
Lome Container Terminal, Togo, Africa. Port rehabilitation and design projects in Africa – Zanzibar and Togo

Attaveqarfigitigut

Jørn Hansen
Office manager, Sisimiut
Oqarasuaat+299 866130
Emailjoha@ramboll.gl