dcsimg Sunniutaasunik naliliineq (EIA/ESIA) - Ramboll Greenland
     
|
 
 
 
 
 
 
 
 
 
 
 
 
 
 
 
 

Sunniutaasunik naliliineq (EIA/ESIA)

Rambøll siuttuuvoq avatangiisinut inuiaqatigiinnullu sunniutaasussanik naliliinermi (ESIA) pilersaarusiornermilu. Nunarsuarmi tamanit misilittakkanik teknikillu tungaatigut peqqissaarussinermik maligassiuivugut, eqqorluartunik sunniuteqarluartunillu naammassisaqarniarnermi nunani aalajangersimasuni nunallu tamarmik akornanni piumasaqaatinut naapertuuttunik.

 
Impact Assessment Whale
 
 
Sullitatta takorluugaannik piviusunngortitsisarpugut, taassumalu ilutigisaanik ineriartortitaasa avatangiisinut piumasaqaataasunik naapertuuttumik suliaanissaannik ataavarsinnaasumillu aaqqiissuteqarnissap tungaatigut qaffassaanermik tapertaliisumik, aammattaarlu tusaamaneqarnerannik qaffassaasumik. 
 
Misilittagaqarfivut suliaqarfinnut assigiinngitsunut siaruarsimapput, assersuutigalugit inuussutissarsiornermut atugassanik ineqarfissanillu illuliornermi, illoqarfinni piffinnilu pilersaarusiornerit, suliffeqarfissualiornermi, atortulersuusiornermi, aatsitassarsiornermi atortussiassanillu piareersaanermi, eqqagassanik suliaqarnermi, innaallagissiornermi nutaanngorsaanermilu, uuliasiornermi gasisiornermilu misissuinermi suliaqarnermilu. Nunat tamakkerlugit akornanni suliniutini aningaasaqarnermi aqutsisoqarnermi (IF) suliallit akornannit tatigisaavugut nunat tamarmik akornanni kattuffiit aningaasanillu atukkiisartut piumasaqaataannik naammassinnissinnaasutut. Nunat tamarmik akornannit, nunat ilaannit piffinnillu sullitat pisortaneersut namminersortullu piginnaanivut naatsorsuutigisarpaat immikkut ilisimasavut suliaqarfinnit assigiinngitsuneersut atorlugit sullissinitsinni atussagivut, avatangiisinut tunngasuni, inuiaqatigiinnut tunngasuni, aningaasaqarnermi teknikikkullu suliaqarfinnut tunngasuni, suliffeqarfitsinni sutigut tamatigut iluatsilluartumik tunniussaqarnermi pingaarnertut inissisimasumik, suliaqarfimmi piumasaqaatilippassuarmi.
 
Suliaqarnermi katitigaasumi tassani naleqassutsimik qaffassaasumik assigiinngitsutigut makkuninnga tapertaasarpugut:
 
Ersarissumik paasinninneq
suliaqarnermi katitigaasumi killiffinnut tunngasunik, piumasaqaatinik inatsiseqarnermillu EIA-p iluani suliniutinik tapersiisunik nunat iluanni nunanilu tamani ESIA-p suliniutaanik.
 
Qajannaatsumik ingerlatsineq sullitat, aningaasaliisut, pisortat suliffeqarfiutaat, inuiaqatigiit aamma soqutigisaqartut allat piumasaqaataat imminnut akerleriikkajuttut eqqarsaatigalugit.
 
Atorluarsitsilersinnaaneq, piffimmi isumalluutit ilisimasallu eqqarsaatigalugit, sumiiffinni atuuffeqarsinnaanerup suliallu inuiaqatigiinnut aningaasaqarnikkut iluaqutissartaqarsinnaanerisa piviusunngortinnissaat qulakkeerniarlugu
 
Teknikikkut ilisimasaqarluarneq suliat pitsaanerpaat tunniunniarnerini nuutinniarnerinilu
 
Niueqatigiinnermi toqqammavigissaarneq, sullitat akornanni tusaamalluarneqarnerup annertusineratigut, tamatigoortuunikkut isumannaatsuunikkullu naammassisanik pitsaasunik kinguneqartitsisoq
 
Tatiginassuseq, naapertuilluarniarneq kinaassusersiunnginneq aamma oqartussaaneq, suliallit, avatangiisinik illersuiniat nunallu tamakkerlugit innuttaasut ataqqineqarnissaasa piumasaqaatiginissaanut pingaaruteqarluinnartoq
 
Siunertalimmik oqaloqatigiinneq oqartussaasut akornanni, naleqquttumik annertussuseqartitsinissaq qitiutitsinissarlu qulakkeerniarlugit, akuersissutinik piniartarnerup ingerlaasaa eqaannerulersinniarlugu aammalu kinguaattoorutissat aningaasartuutissallu annikillisinniarlugit
 
Pisortatigoortumik akuuneq suliat nukittorsarniarlugit sunniutaaqataasinnaasullu annikillisarniarlugit, tamatuma ataani tusarniaalluni ataatsimiisitsinerit pisortatigoortut, sumiiffinni innuttaasunik, peqatigiiffinnik suliffeqarfinnilluunniit pisortat ataanni inissisimanngitsunik peqataatitsiniarluni
 
Bankinut tunngasutigut piginnaasanik pitsanngorsaanerit, suliassat aallartikkusutat eqqarsaatigalugit aningaasaliigallartussanik ujaasinerni aningaasanik atortitsisinnaasut piumasaannik paasinarsaalluarnikkut
 

Kiffartuussiviit

  • Suliassat naammassineqarsinnaaneri pillugit nalilersuinerit
  • Suliffimmik aqqutissanillu misissueqqissaarneq
  • Avatangiisinut sunniutaasinnaasunik misissuinerit (ENVIID)
  • ESIA-mik iliuusissiaq pilersaarusiornerlu
  • Soqutigisaqartut peqataatinneqarnissaat pillugit pilersaarusiornerit tapersersuinerillu
  • Misissueqqaarnerit
  • Avatangiisinut, inuiaqatigiinnut aamma peqqissutsimut tunngasut sunnerneqarsinnaaneri pillugit nalilersuinerit
  • Naligiissitsinermi Tunngaviit (EP) Nunat Tamarmik Akornanni Aningaasanik Aqutsinermi Suliffeqarfiit (IFC) Naammassisaqarsinnaanermik Piumasaqaatinik eqquutsitsineq
  • Uumassuseqassutsip assigiinngissitaarnera pillugu iliuusissatut pilersaarummik ineriartortitsineq atuutilersitsinerlu
  • Avatangiisit aamma inuiaqatigiit pillugit aqutseriaatsimik (ESMS) ineriartortitsineq atuutilersitsinerlu

Paasisimasaqarfiit

  • Uumassuseqassutsip assigiinngissitaarnera pillugu nalilersuineq
  • Sineriammi immamilu uumassusillit
  • Kulturikkut kingornuttakkanik nalilersuineq
  • Avatangiisinut ajoqutaasinnaasunik nalilersuineq
  • Pinngortitami ataqatigiinneq pillugu kiffartuussineq
  • Nunap isikkuanik sunniutinillu takussaasunik nalilersuineq
  • Nipit nalinginnaanngitsut kingunerisinnaasaannik nalilersuinerit
  • Piffippiami eqqaanilu silaannarmik mingutsitsinerup siaruaassinnaanera pillugu takussutissiorneq nalilersuinerlu
  • Assartuinermik pilersaarusiorneq
  • Eqqakkanik isumaginninneq
  • Imissaqarfiit, tamatumunnga immap pitsaassusaa, paqqersaanissamik misissuinerit, ulersuarnissamik navianartoqarsinnaaneranik nalilersuinerit  kuuffilersuinissamillu ilusilersuinerit ilaallutik
  • Inuiaqatigiit peqqissusaat, isumannartoqarsinnaanera aammalu isumannaallisaaneq pillugit nalilersuineq
  • Nunap inoqqaavi inuiaqatigiillu ikinnerussuteqartut
  • Sulisoqarniarneq suliffimmilu atugassarititaasut
  • Angerlarsimaffimmit aamma aningaasatigut qimaasitaaneq nuutsitaanerlu
  • Inuiaqatigiit ataatsimut aningaasatigut kulturikkullu inissisimanerannik nalilersuineq
  • Soqutigisaqartunik oqaloqateqarneq/peqataatitsineq
  • Killigisakkanik qaangiinerit kingunissaannik nalilersuineq
  • Pisut assigiinngitsut ataatsimut sunniutaannik nalilersuineq
  • GIS-imik tunngaviusumik pilersaarusiorneq

Sulianik atorsinnaasunik uppernartunillu tunniussisinnaanerput sullitatta tatigaat. Sulianik atorsinnaasunik uppernartunillu tunniussisinnaanerput sullitatta tatigaat. Kiffaanngissutsitta, teknikikkut tunngaveqarluarnitta, ilisimasaqarnitta misilittagaqarnittalu ataqatigiissinneri soqutigisaqartunut tatiginnilersitsipput  ESIA-ni naggasiutigalugit oqaaseqaatigisartakkavut innersuussutivut kingornatigullu qanoq ingerlatsinissamik pilersaarusiavut eqqorluartuusut atorsinnaalluartuusullu. Ilisimasaqassutsitta piginnaanittalu ESIA-mik nalunaarusiani nalunaarneqartut sinnerlugit ikiuinissatsinnik inissittarpaatigut.
 

Nunat tamarmik akornanni aningaasaqarnermik aqutsineq

Rambøllip Nunat Tamarmik Akornanni aningaasaqarnermik (IF) aqutsisui, avatangiisinut inuiaqatigiinnullu sunniutaasussat pillugit aqutsinissamullu tunngasunik immikkut ilisimasanik tunniussisarpoq suliniutinik ineriartortitsisunut nunalluunniit tamarmik akornanni ineriartortitsinernut annertuunut aningaasanik atukkiisartunut – ilaatigut atortulersuuteqarnermi, nukissiornermi ataavartussamillu nukissiornermi, aatsitassarsiornermi, uuliasiornermi naturgasisiornermilu suliniutini. Nunat tamarmik akornanni suliniutini annertuuni inuiaqatigeeqarnikkut avatangiiseqarnikkullu unammillernartut katitigaasorujussuusinnaasarput, narlusuunillu ineriartortitsinerit assersuutigalugu ruujorinik, nalunaarasuartaatikkut atassuteqarnernik, aqqusinernik isorartuunik sarfamullu sakkortuumut ledninginik, unammillernartut tamakku nunat killinginik akimuisariaqarnermik tapertaqakkajuttarput.
 
Nunat suliaqarfigisat piumasaqaataanik naammassinninnerup saniatigut, suliniutit nunat tamarmik akornannit aningaasanik atukkerneqarusuttut aamma atorniarfiit aalajangersimasut piumasaqaataannik naammassinnittariaqarput assersuutigalugit Equator Principles, IFC Performance Standards aamma piumasaqaatit allat IFI-meersut assersuutigalugit OECD Common Approaches. Suliffeqarfiit aningaasaqarnermik aqutsisut suliniutinilluunniit ineriartortitsisut sullinneqarneranni ikiuuttarpugut tusaamaneqarnermut navianarsinnaasunik nassuiaassinermi aqutsinermilu, avatangiisinut inuiaqatigiinnullu unamminarsinnaasunik suussusersinermi aqutsinermilu.

Attaveqarfigitigut

JOhn Hancox
Principal
Oqarasuaat+44 161 242 7877
Emailjhancox@environcorp.com