Rambøll Europami nukissiorneq pillugu suliffeqarfissuit siunnersuisinnaasut pitsaanerit qulit akornaniippoq. Pitsaanerpaaffissarpiap tikinnissaa qitiutipparput - sullitavut aammalu inuiaqatigiit ataatsimut isigalugit. Suliat sullitatsinnut tunniuttakkavut nalinginnaasumik inuiaqatigiit ataatsimut isigalugit iluaqutissiisarput, nukissamik pilersuinissap qulakkeerneqarnissaanut, silap pissusiata sunnerneqannginnerunissaanut, nukissamik sunniuteqarluarnerulersitsinissamut isumalluutinillu pissaaleqinaveersaarnissamut tunngasutigut. Suliatsinni annertuumik qitiutipparput naammassisaqarsinnaanerup pitsanngorsarnissaa aningaasartuutikinnerulernissarlu nikeriarfinni tamani, aningaasartuutit suliap aallartinneraniit ingerlatsinermut kiisalu aserfallatsaaliuinermut tunngasut eqqarsaatigalugit. Sullitavut tamaasa isigalugit Rambøllimik suleqateqarnerat isumaqarpoq piffissap sivisuup ingerlanerani misilittakkavut ilisimasavullu iluaqutigilluarumaaraat, siunissami ataavartumik, nukissamik atuilluartumik, aningaasartuutit eqqarsaatigalugit isumatusaartumik naleqquttumillu unammillernartut peqatigiilluta aaqqiissutinngortikkumaaratsigit.
 

Nukissiornermik misilittakkat

Rambøll ukiut 45-t sinnerlugit pilersaarusiornermi, nukissiornermi aaqqiissutissanik ilusilersuinermi suliarinninnermilu misilittagaqarpoq.
 
Nukissiornermi suleqatigiissitavut nukissiornermi teknologeeqarnermi immikkut ilisimasanik sutigut tamatigut tunniussisarput, nalinnullu tunngassutilinni sutigut tamatigut nukissiornermi, nukissamik assartuussinermi agguaassinermilu. Sullitavut suliniutini sutigut tamatigut ikiorsertarpavut, pilersaarusiornermit ingeniøritut ilusilersuinermut, piffissamut sivisunerusumut atuuttussamik ingerlatsinermut aserfallatsaaliuinermullu.
 

Imaani anorisaatit, eqqakkanik nukissiorneq, nukissiorfissuit illoqarfiillu ilaannik kiassaaneq

Rambøll nunat tamarmik akornanni piginnaasat tungaasigut siuttuuvoq imaani anorisaasiornermi, eqqakkanik nukissiornermi, nukissiorfissualiornermi illoqarfiillu ilaannik kiassaanermi. Suliaqarfiit taakkua sisamat iluanni, saaffissap ataasiinnaap iluani sullissinermik tunniussisinnaavugut immikkuullarissumik tunngavilimmik iliuusissanik ilisimannittumik misilittagaqartumillu, suliniutinit arlalinnit pissarsianik, siunnersuisunit allanit assigineqanngitsumik.
 

• Nunarsuaq tamakkerlugu imaani anorisaatit 65%-ii sinnerlugit tunngavilersugaapput Rambøllip ingeniøritut suliaanit
• Nunani 40-ni eqqakkanik nukissiornermi suliniutini suliaqarsimavugut, siunnersortitut sullissilluta suliaqarfinni nutaani ikkussuiffigeqqitassanilu 130-ni
• Nukissiorfiit angisuut 90-it sinnerlugit ilusilersorlugillu sanaartorsimavavut, ilaatigut nukissiorfiit nunarsuarmi tamani nukissamik atuilluarnerpaat ilaat, peqataaffigalugulu nunap iluani ikummatissanik ataavartumik biomassinngortitsineq
• Siunnersuinikkut sullissisarsimavugut nunarsuaq tamakkerlugu 200-t sinnerlugit illoqarfiit ilaannik kiassaanermik aaqqissuussinermi, illoqarfeeqqani minnerusuni aaqqissuussinernit illoqarfissuarni nukissamik assartuussinermut ataqatigiiaarsitsinernut.

Paasissutissat

• Rambøll suliffeqarfiup iluani 1.500-t missaanik nukissiornerup iluani suliaqarfimmi assigiinngitsutigut sulialinnik sulisoqarpoq, ilaatigut uuliasiornermi gassisiornermilu illunilu nukissamik atuilluartuni, Rambøll Energy-mi sulisut 700-ullutiky
• Nunat tamarmik akornanni imani anorisaasiornerup iluani, eqqakkanik nukissiornermi, nukissiornerup iluani illoqarfiillu ilaannik kiassaanerup iluani siunnersortitut tatigisaavugutg
• Sullitavut ilaatigut tassaapput pisortat namminersortullu, ineriartortitsisut, aningaasaateqarfiit, piffinni oqartussat pisortallu

 Nukissiornermi sullississutigisartakkagut pillugit paasisaqarnerorusukkuit alakkaruk www.ramboll.com