dcsimg Illut - Ramboll Greenland
    
|
 
 
 
 
 
 
 
 
 
 
 
 
 

Illut

Avatangiisivut sanaartukkat inuunitsinni inuiaqataanitsinnilu annertuumik sunniuteqarput. Ukiuni kingullerni annertunerujartuinnartumik piumasaqaataavoq sanaartukkat nukissanik atuinikinnerussasut avatangiisinullu ajoqusiinngitsuussasut silaannaap allanngoriartornerata akiornissaanut oqallinnerup kingunerisaanik. Tassunga atatillugu ilusiliineq pingaartinneqaqaaq annertoqisumillu piumasarineqarpoq ilusilersuinikkut aaqqiinerit immikkorluinnaq ittuussasut nutaaliorfiussasullu.

 
The Oslo Opera House, view from south-western quay
 

Sivisuumik atallutik isummanillu nutaanik sunniillutik ilusiliinerit

Ullumikkut nunarsuarmi tamarmi unammillernartut pisariaqartippaat sanaartornikkut ilusiliinerit nutaaliortut – atorsinnaaneri ilusilernerilu eqqarsaatigalugit. Illut illoqarfiillu angisuut piujuartitsisinnaasut pisariaqartippaat ilusiliinikkut aaqqiinerit ataqatigiissut, sullississutit assigiinngitsorpassuit suleqatigiinnerannik tunngavillit, avatangiisit sanaartukkat pisariusut, imminnut ataqatigiissumik isigineri eqqarsaatigalugit.
 
Sullitavut sullilluarniarlugit anguniartuarpavut aaqqiinerit periarfissatigut pitsaaanerpaat qanorlu anguniarneri apeqqusertuarlugit inerneri pitsaanerpaatikkusullugit. Nunani Avannarlerni naggueqarnerput tunngavigalugu suliatsinnut tamanut piujuartitsinissaq pissusissamisoortumik ilaatittuarparput. Ullumikkut illut ilusilersukkavut tamarmik CO2-mik annertusitinngillat.

 
Qarasaasiatigut ilusilersuineq sanaartornerlu

Qarasaasiaq atorlugu periaatsiseqarluta illut malunnaateqarluartut pilersittarpavut, aamma aalajangiinerit allannguinerillu ilanngunneqarsinnaasarput, pitsanngorsarneqarlutik sanaartulivinnissaq aallartitsinnagu.
 
Qarasaasiakkut ilusilersuinermi periaatsinik siuarsimasunik arlaqaqisunik illunik taakkuninnga sanaartornissamut ikiuutaasinnaasunik aqqutissiuinermut Rambøll siuttuuvoq. Immikkut illuinnartumik periaaseqarpugut  Building information modelling (BIM)-ip aamma CAD-p atornissaannut, taakkulu ataqatigiissillugit atornissaannut misissueqqissaarnermi periaatsit ilanngullugit.
 

Suliniutip aqunneqarnera sullitallu isumasiornera

Illup sananissaanut misilittagartuunissaq pisariaqarluinnarpoq qanoq-ittuunera, piffissamik atuineq aamma aningaasatigut inissisimanera eqqarsaatigalugit – aamma aqutsisut tamarmik suliap ingerlaneranut naammaginnisimaarnissaat qularnaassallugu. Uagutsinnut pingaaruteqarluinnarpoq pitsaanerpaamik inernilimmik tunniussinissaq, aamma killiffipput nalilersortuarparput suliniutini tamani pilersitap naleqarnermigut pitsaanerpaaffissaa qulakkeerniarlugu.
 
Sullitatta tusarniarnissaat suliniutillu aqunneqarnerani ingerlatsineq isumagiuarparput sanaartornerni tamani. Tassani aallaavigaarput `Piffinni najuunneq, Nunarsuarmioqataanermi Ilisimasat`-nik periuseq: upperilluinnarparput piffimmiittuuneq pingaaruteqarluinnartuusoq – sullitatsinnut qanimut attaveqarnissaq anguniarlugu – aamma piffimmi pissutsit qanoq ittuuneri suliatta naammassinissaanut sunniuteqartuusut tamakkiisumik paasiumallugit. Taamaanneranilu suliffeqarferujussuunitta nunarsuarmut tamarmut siaruarsimasup kingunerisaanik iluaqutigaarput immikkut ilisimasaqarfivut periaatsivullu assigiinngeqisut suliffeqarfiup immikkoortortaqarfii akimorlugit paarlaateqatigiissinnaagatta.
 

PIVIUSUT:

  • Nunarsuaq tamakkerlugu illuliornermi immikkut ilisimasallit 3,000 sinnerlugit sulisoraavut
  • Nunani Avannarlerni siuttuunerput attatiinnarparput (ilanngullugit Danmark, Sverige, Norge aamma Finland) aamma Tuluit Kunngeqarfiat
  • Sullissinitsinnut pingaarnerpaanut ilaapput sanaartornermi, maskiinat atorlugit innaallagissanullu tunngasunik suliaqarnerni aqutsinerit
  • Sullitatsinnut annerpaanut ilaapput illussanik titartaasartut, sulisitsisut, ineriartortitsisut sulisitsisullu namminersortut allat – soorlu aamma pisortaqarfiit sullitavut soorlu kommunit aamma naalakkersuisut suliffeqarfii, taakkununnga ilaallutik  napparsimmaviit ilisimatusarfiillu. 

 
Sanaartornikkut sullitsinivut annertunerusumik paasaqarfigerusukkukkit takuuk www.ramboll.com

Attaveqarfigitigut

Group Market Director, Buildings
Oqarasuaat+45 5161 6897
Emaillor@ramboll.com