dcsimg Eqqakkanut tunngatillugu ajornartorsiutinik issittuni naggorissaassutissanngortitsineq - Ramboll Greenland
Ramboll has developed an effective method for converting waste into fertile land
Suliniut pillugu paasissutissat
Sullitaq: The municipality of Qeqqata
Inaarsarneqarnissaa: 2015

Sullissinerit isumagisimasavut
Resource & Waste Management

Eqqakkanut tunngatillugu ajornartorsiutinik issittuni naggorissaassutissanngortitsineq

Sisimiut, Kalaallit Nunaat ¤

Sisimiut, illoqarfik nunat issittut qiterpiaaniittoq alliartorpoq. Maannamut 5.500-t missaanik innuttalik, illoqarfik eqqakkatigut ajornartorsiuteqangaatsiarpoq, ikuallaaviup atorsinnaassusaa sipporneqareerujussuarpoq. Taamaammat eqqagassalerinerup nutaamik aaqqissugaanissaa pingaarpoq, illoqarfillu nunami inissaqartitsinera aningaasassaqarnermigullu amigaateqarnera peqqutaalluni Rambøll Namminersorlutik Oqartussat Qeqqatalu Kommunia suleqatigalugit eqqagassanik naggorissaatitut atugassiassanngortitsinissamut periutsinik pitsaasunik ineriartortitsivoq.

Eqqagassanut periuseq nutaaq ataavarsinnaasoq

Siunertat pingaarnerit ilagaat atortorissaarutit immikkorluinnarlu ilisimasallit pallillugit atajuartussamik aaqqissuussinissaq. Taamaammat Rambøllip eqqagassanut tunngasunut ingeniøriisa atortussiat Kalaallit Nunaanni pioreersut aallaavigaat. Aalajangerpaat containerit nillataartitat piginnittukuata umiarsuakkut assartuussinermik suliffeqarfiup Royal Arctic Line-p atorunnaagai atussallugit. Taakku naggorissaatiliornissamut suliniummi pingaarnertut atortussaapput.

Containerit silaannarissaatilerneqarput naggorissaasiornerup nalaani kiak aniasoq eqqakkanut uterniassammat. Nunani issittuni silaannaap pissusaanut tamanna suliap iluatsinnissaanut qitiusorujussuuvoq, silaannaap kiassusaa ilaannikkut minus 30-40 celsiusit tungaanut nillertittarmat.

Taamaattorli containerinut ilineqannginnerminni eqqakkat piffimmi angerlarsimaffinni immikkoortiterneqaqqaartarput, uumassusilinnut uumaatsunullu. Suliarineqarfissaannut apuukkaangata eqqakkat uumassusillit akoorneqartarput pappiaqqanik, qisuit seqummakuinik apummillu naggorissaasiornissamut sananeqaataat isugutassusiallu naleqqussarniarlugit.

Piffimmi pimoorussineq pingaarluinnartoq

Rambøll piffimmi innuttaasunik qanimut suleqatiginnippoq angerlarsimaffinni eqqakkanik immikkoortiterinerup eqqortumik pinissaa qulakkeerniarlugu. Piffimmi eqqaavilerisut allaat eqqakkanik immikkoortiterinissamut maleruagassat unioqqunneqaraangata suliffeqarfiutilinnik ilisimatitsisarlutik. Maannamut piareersaatitut suliniut iluatsilluinnarpoq, sunalu tamaat pilersaarusiaq malillugu ingerlassappat Sisimiut naggorissaatissaqalissaaq qaammatit 4-6 qaangiuppata, assersuutigalugu ivikkanik kingunissanillu naatitsivigineqarsinnaasunik.

Alloriarnissap tullia tassaavoq suliniummi suliassat amerlinissaat, igalaamernillu aseqqukuinik naggorissaasiornissaq. Neriuutiginarpoq suliniut isumassarsiorfigineqassasoq nunani issittuni tamani piffiillu allat ujarartooqarfiit immaqalu nillertartut siallikkajuffiusulluunniit.

Jørn Hansen
Office manager, Sisimiut
Oqarasuaat+299 866130
Emailjoha@ramboll.gl