dcsimg Kalaallit nunaanni paarnaarussivittaassaq nunanut issittunut naleqqussagaq - Ramboll Greenland
Ny Anstalt Correctional Facility, Nuuk, Greenland
schmidt hammer lassen architects
Suliniut pillugu paasissutissat
Sullitaq: The Ministry of Justice of Denmark, the Prison and Probation Service
Illussanik titartaasartut: Friis & Moltke, schmidt hammer lassen, Landscape: Møller & Grønborg
Inaarsarneqarnissaa: 2017
Nalinga: DKK 357,000,000

Sullissinerit isumagisimasavut
Client consultancy
Project management
Fire & safety
Structural engineering
Electrical engineering
Mechanical engineering
Sustainability services

Suleqatigiit
Niels Houlberg Vallentin

Kalaallit nunaanni paarnaarussivittaassaq nunanut issittunut naleqqussagaq

Nuuk, Kalaallit Nunaat ¤

Paarnaarussiveqarfittaassaq ilusinikkiartorpoq Kalaallit Nunaata illoqarfiisa pingaarnersaanni – Nuummi. Nunarsuarmi inissisimaffinni kusanarnerpaat ilaanniiginnarani pineqaatissinneqartunut periarfissiivoq ilaquttaminnut, pinngortitamut kulturimullu qaninnerusumi paarnaarussaaqqanissaannut. Kalaallit Nunaannittaaq paarnaarussiviussaaq siullerpaaq. Rambøll toqqarneqarsimavoq sutigut tamatigut suliniummut atatillugu sullissinermi siunnersortitut, Kalaallit Nunaanni eqqartuussisoqarnermi sullissivimmik tamakkiisumik ullutsinnut malinnaasumik siunertalimmi.

Ini isikkivilik

Illu Kalaallit Nunaanni qaqqartuumiittussaavoq ammasumi, isikkumigut taamaasilluni kusanarluni aappaatigullu peqqarniippasilluni. Aammattaaq pingaarnertullu illup ilusilersorneqarnerani sulisussanut sulinermi atukkanik pitsaasunik atugaqarfiusinnaanissaa kiisalu paarnaarussat ataqqinarsiseqqinneqarneranni pitsaasunik avatangiiseqartitsinissaa anguniarneqarpoq. Ineqarfiit immikkoortui ilusilersugaapput pinngortitap pigisaanik misigisitsisussatut, soorlu ullup qaamanerata allanngorarnera, aput, siku, ujaqqat, issuatsiaat qilallu tungujornera illup iluani. Ineqarfiit immikkoortuisa tamarmik isersimaartarfiini ataatsimoortarfiusuni igalaat atituut avatangiisinut pinngortitamut angeqisumut isikkiveqartitsipput. Paarnaarussallu killeqanngitsumik imarmut isorartoorsuarmut iniminniit isikkiveqassapput.

Atortussiat pinngortitamut naleqquttut

Suliniutip isumaa tassaavoq illup ilusilersornera paarnaarussat ataqqinarsiseqqinnerannut pitsaasuussasoq aamma timikkut tarnikkullu nakuusernermut annikillisaataassasoq.

Ataatsimoortillugit illuliat “Paarnaarussivittaassaq” initussuseqassaaq 8.000 m²-itut annertussuseqassaaq, ineqarfiillu blok-it immikkoortut tallimaassallutik. Immikkoortut ineeraqassapput 76-inik, ammasunik matoqqasunillu immikkoortortaqassallutik. Illunut atortussiat ilagaat betonngi, qisuit sisallu, nunap isikkuanut ippinnaateqaratik tulluuttut.

Paarnaarussivimmi susassaqartitsinerit allat tassaapput paarnaarussanut suliffissat, sunngiffimmi sammisassat, pulaartunut init, allaffissortunut allaffeqarfik biilinullu inissiivik. Aammattaaq illu teknikip isumannaallisaanerullu tungaatigut atortorissaaruteqassaaq. Illup ungataani ungaloqarlunilu isertarfeqassaaq.

Rambøllip suliassaq 2013-imi pissarsiaraa, suleqatissat allat peqatigalugit illussanik titartaasartut schmidt hammer lassen, Friis & Moltke illussanik titartaasartut aammalu landskabsarkitektit Møller & Grønborg. Ilusilersuinermi unammineq aaqqissuunneqarpoq Dansk Justitsministeriap ataani Kriminalforsorgimit.

Niels Houlberg Vallentin
Department manager, constructions
Oqarasuaat+299 348269
Emailnhv@ramboll.gl