dcsimg Kalaallit nunaata millionit arlallit umiarsualivinnik allilerinermi sipaarsinnaavaat - Ramboll Greenland
Nuuk harbour expansion
Suliniut pillugu paasissutissat
Sullitaq: The Ministry of Finance & Domestic Affairs, Greenland
Inaarsarneqarnissaa: May 2013

Sullissinerit isumagisimasavut

Economics

Kalaallit nunaata millionit arlallit umiarsualivinnik allilerinermi sipaarsinnaavaat

Nuuk, Kalaallit Nunaat ¤

Kalaallit Nunaanni illoqarfiit annersaannut Nuummut umiarsuarsuit usisaatit tikikkaangata usingiarniarlutik, tattoqinnangaarmat issanngunarsisinnaasarpoq. Umiarsualiviup umiarsuarsuit tikittut inissaqartissinnaanngilai, mikivallaarlunilu qarsupippallaarami. Suullu tamarmik takutippaat ukiuni tulliuttuni aggersuni usit suli annertunerit tikiunneqartalerumaartut, sualummik nunami allamiut pisiassanik eqqussuinerulernissaat ilimagineqareersoq pilerpat.
 
Tassunga atatillugu Aningaasanut Nunamullu Namminermut Naalakkersuisoqarfiup Rambøll Management Consulting qinnuigaa inuiaqatigiit aningaasaqarnerannut Nuup umiarsualiviata allinerata kingunerisassai misissoqqissaaqqullugit.

- Inuiaqatigiit aningaasaqarnerannut tunngatillugu misissueqqissaarnerup takutippaa umiarsualivik allilerneqassappat malunnaataasumik Kalaallit Nunaata aningaasaqarnera allanngussasoq, tassa 80 million euronik Kalaallit Nunaat iluanaaruteqassammat ukiullu qulit ingerlanerani umiarsualiviup allilerneqarnera imminut akilissasoq. Piffissaq angallannermut atorneqartartut sivikinninngussaaq usinillu assartuineq Kalaallit Nunaannut Kalaallit Nunaanniillu akikinnerulissaaq taamatullu aamma sinerissap iluani assartuineq aamma akikinnerulerluni. Assersuutigalugu Namminersorlutik Oqartussanit suliffeqarfissuaq pigineqartoq Royal Arctic Line umiarsuarnik marlunnik ingerlaannarsinnaassaaq, naak massakkut pingasut atorneqartaraluartut.  Taamaalilluni assartuinermut akit appassapput, assartuutit ikinnerit atorneqalerpata, umiarsualiviup allinerata kingunerisaanik, taama Jakob Rosenberg Nielsen nassuiaavoq.

Aningaasartuutit aningaasarsiornikkut siuariartorninngortinneqassapput

Umiarsualivimmi inissaaleqineq pioreersup kingunerivaa usit tikittut containerinillu inissaqartitsiniarnerit ajornakusoormata akisullutillu. Umiarsualivimmik atuisut umiarsualiviup avataani aamma inissisimatitsisariaqartarput inissaaleqineq pissutaalluni, taassuma kingunerivaa usit assartuunnerisa akiisa pisiassat atuisunut akisunerulersarnerat Kalaallit Nunaatalu aningaasaqarneranut artukkeeqataasarluni.
    
- Umiarsualiviup allilerneqarnissaata siunertarivaa assartuinermut akit millisinniarnissaat angallannerlu pitsaanerulersillugu inuiaqatigiinnut tamanut ineriartuutaasussamik. Misissueqqissaarnitta takutippaa umiarsualiviup allilerneqarnissaa imminut akilersinnaanersoq akilersinnaannginnersorluunniit, kiisalu imminut nammassinnaasumik Kalaallit Nunaanni ineriartortitsinermik qanoq sunniuteqassanersoq, taama seniorkonsulenti suliamillu ataqatigiissaarisoq Jakob Rosenberg Nielsen Rambøll Management Consultingimeersoq oqarpoq.

Ineriartornermut imminut nammassinnaasumut ilippanartut inuttaligaanngitsut

Misissueqqissaarneq arfinillit atorlugit økonomit misissorsimavaat qanoq umiarsualivimmik alliliineq piginneqataaffinnut inuiaqatigiinnullumi kinguneqarsinnaassanersoq. Misissueqqissaarnermi takorluukkat assigiinngitsut arfinillit sananeqarsimapput, taakkulu piginneqataasut aningaasaliisullu allanngorarnerini assigiinngitsuupput umiarsualiviup angissusaa taannaaginnarluni. Nunap atortulersugaanera, avatangiisit imminullu nammassinnaasumik ineriartorneq illoqarfimmi peqqissaartumik misissorneqarput, inerniliinerullu takutippaa Nuummi umiarsualiviup allilerneqarnissaa pisariaqartoq iluaqutaasussaasorlu.
 
- Imminut atatissinnaasumik ineriartorneq nukittunerulersinneqassaaq pissutigalugu umiarsualivissap piulernerata kingunerissammagu angallatit anginerit kiisalu innaallagissamik sipaarnarnerusut atorneqalissammata. Inissaq umiarsualivimmi annertunerulersinneqarpat illoqarfiup ineriartortinnissaanut suliassat pilerinartut amerlissapput angallannerullu sivisussusaa annikinneruleriarpat nunami angallanneq siunissami pitsaanerulersissavaa avatangiisillu siunissaq ungasinnerusoq eqqarsaatigalugu iluaqusersinnaallugu, taama Jakob Rosenberg Nielsen oqarpoq.

Inuiaqatigiinni aningaasaqarnerup kingunerisinnaasai pillugit misissueqqissaartitsineq majimi 2013-imi naammassivoq, Kalaallit Nunaannullu umiarsualiortitsinissamik aalajangiinissamut iluaqutaasimalluni.

Henrik R. Seiding
Henrik Rosenberg Seiding
Executive Director, Management Consulting
Mobile+45 5161 8255
Emailhers@ramboll.com