dcsimg Kalaallit nunaanni mittarfiit - Ramboll Greenland
    
|
Ramboll have built up a special expertise in the design and supervision of Arctic airports construction
Suliniut pillugu paasissutissat
Sullitaq: Greenlandic Airports (GLV)

Sullissinerit isumagisimasavut
Timmisartukkut angallanneq

Kalaallit nunaanni mittarfiit

Kalaallit Nunaat ¤

Kalaallit Nunaat taama nuna angitigimmat angalalluni illoqarfinnut allanut angalaniaraanni aqqutissatuaavoq timmisartumik angalaneq. Taamaattumik mittarfiliortitsineq mittarfinnillu aserfallatsaaliineq Rambøllimit suliarineqartoq inuiaqatigiinnut pingaarutilerujussuuvoq.

Silaannakkut angallanneq Kalaallit Nunaanniit utimullu nunallu nammineq iluani angalaniaraanni pingaaruteqartorujussuuvoq. Nunap aningaasatigut ineriartornera inuiaqatigiinnilu aalaakkaanermut qulakkeerisuuvoq. Kalaallit Nunaat nuna angisoorujussuuvoq aqqutissatuarlu sukkasuumik angalassagaanni tassaavoq timmisartumik angalaneq. Niuerniarlutik angalasut, atorfillit, takornarissat soorunalumi aamma inuinnaat namminneq angalasut kammalaatitik ilaquttatillu tikeraarniarlugit. Rambøllip mittarfiliortiternikkut nunap aningaasaqarnermigut aalaakkaasumik ineriartornera peqataaffigaa.

1990-ikkunni aalajangerneqarpoq mittarfiliortitsinernut annertuumik aningaasaliisoqassasoq. Rambøll mittarfinnik arfineq-marluusuni illoqarfinni Qaanaami, Upernavimmi, Uummannami, Aasianni, Sisimiuni, Maniitsumi, aamma Paamiuni pilersaarusiornermi ilusilersuinermilu peqataavoq.

Mittarfiit nunani nunap ilusaa peqqutaalluni unammillernartorujussuarni sananeqartussaapput, sanaartorfissallu aamma ajornakusoortitsillutik. Tamarmik 1999-imi naammassineqarput, taamaattumillu angallannerit aalajangersimanerusumik pisinnaanngorput. Angallannermut aningaasartuutittaaq aamma malunnaatilimmik annikilleriarput, tassami helikopterimik angalaannarunnaarluni timmisartumik angalasinnaaneq periarfissanngormat.

Rambøllip taassuma kingorna aserfallatsaaliinermut suliassat suliarisarsimavai, 2011-imilu aamma suliffeqarfimmit Mittarfeqarfinnit suleqatigiumaneqarluni attavigineqarsimalluni. Rambøll Nuummi Ilulissani Qaqortumilu mittarfiliortoqassappat misissueqataasussaavoq nalilersueqataassallunilu.

Rambøll immikkuullarissumik piginnaasaqalersimavoq issittumi mittarfinnik ilusilersuisinnaalluni aserfallatsaaliisinnaallunilu, Kalaallit Nunaanni Savalimmiuni Norgellu avannaani.

Rambøllip Kalaallit Nunaanni suliai mittarfinnut tunngassutillit suliffeqarfimmit Nuummi allaffeqarfilimmit tapersersorneqarput.

Henrik Fenger Jeppesen
Director, Ramboll Greenland
Oqarasuaat+299 558600
Emailhfj@ramboll.gl