dcsimg Nuummi Kalaallit Nunaanni containerersortunut umiarsualivissaq nutaaq Rambøllip ilusilersorpaa - Ramboll Greenland
Model of the container port in Nuuk
26. februari 2015

Nuummi Kalaallit Nunaanni containerersortunut umiarsualivissaq nutaaq Rambøllip ilusilersorpaa

Pisinnasat arlaqaqisut tulleriinnilersornerisigut Rambøll isumaqatigiiffigineqarpoq Nuummi Kalaallit Nunaanni containerersortunut umiarsualivissamik 60.000 kvadratmeterinik annertutigisumik ilusilersuissasoq. Umiarsualivik sananeqassaaq Qallunaat Nunaanni sulisitsisumit Per Aarsleff A/S-imit.

 

Qaammatini tullerni tallimani suleqatigiit Rambøllimi atorfillit sanaartornikkut assigiinngitsunik immikkut ilisimasallit containerersortunut umiarsualivissaq nutaaq ilusilersussavaat. Suliaq taamaattoq taaneqartarpoq greenfield project (attorneqanngitsumi suliniut) nunakkut immakkulluunniit pioreersunik attaveqanngitsoq, taamaattuuneratalu suliniut annertuumik pisariutippaa.

Umiarsualiviliorneq assigiinngitsorpassuarnik pisariaqartitsisoq

Pisariaqartinneqarput nukissaqarnikkut kaabelit attaveqaatillu, talittarfiit 360 miiteritut takitigisut, umiarsualiviup naqqata suliarinissaa, umiarsualivimmi pisariartitanik sanaartukkat 4.700 kvadratmiiterit – soorlu aamma ujaqqat 300.000 kubikmiiterit nuunnissaat suliarinninnermi inissamut aqqutissamut atortussat.

- Suleqatigiit inuit 20 imminnut tunniusimalluinnartut tassaasut teknikkikkut immikkut ilisimasallit umiarsualivinnik ilusilersuinermut, oqimaatsunik suliaqarnermut toqqaviliornermut, atortussaliornernut, soorlu aamma piffinnut tunngasunut immikkut ilisimasallit Nuummilu allaffeqarfipput ataqatigiissaarisumik attaveqarfigeriaannaq, Morten Thorhauge Boolsen, Immikkoortoqarfimmi Pisortaq, Rambøllimi Umiarsualivinnik Nunallu Suliarineranik immikkoortoqarfimmeersoq oqarpoq.

Sammisat akimorlugit suleqatigiinneq

Suliniutip iluatsilluarnissaanut pingaaruteqarluinnarpoq umiarsualiviup ilusilersornerani assigiinngitsunik suliallit ataqatigiissaarneqarnissaasa ilusilernerat. Rambøllip sulianik ingerlatsineq piumasaqaammut tassunga naammassinnittoq nassaarisimavaa.

- Suleqatigiit tamarmiusut allaffimmi ataatsimi inissisimapput ilusilersuinerup ingerlanerani ilisimasanik paarlaateqatigiittarneq pitsaanerpaaq sammisallu assigiinngitsut akimorlugit suleqatigiinnissaq anguniarlugit. Suliarinnittussamik pitsaanerpaamik suleqateqarnissarput anguniarlugu Per Aarsleff A/S-mit ilusilersuinermut pisortaq allaffeqarfimmi piffissap ilaani aamma suleqatigineqartassaaq. Suliniummi ataatsimi sammisat assigiinngeqimmata pingaaruteqarluinnarpoq suleqatitta pikkoriffii atorluassallugit, Morten Thorhauge Boolsen inerniliivoq.

Nuummi containerersortunut umiarsualivissaq tassaavoq Rambøllip nunarsuaq tamakkerlugu umiarsualivilerinermik immikkoortoqarfiata 2015-ip aallartisimalaarnerani pilersinneqarnerata kingorna nunani tamalaani umiarsualiviliornermik suliniutit siulliat.

Attavigisigut

Morten Thorhauge Boolsen
Morten Thorhauge Boolsen
Head of Department
Oqarasuaat+45 51617529
Emailmthb@ramboll.dk
Per Primdahl Kristensen
Per Primdahl Kristensen
Civil Engineer
Oqarasuaat+45 51616723
Emailphk@ramboll.dk