dcsimg Henrik Fenger Jeppesen Rambøll Greenlandimut pisortaanertut toqqarneq - Ramboll Greenland
    
|
1. apriili 2014

Henrik Fenger Jeppesen Rambøll Greenlandimut pisortaanertut toqqarneq

Ullumikkumiit Henrik Fenger Jeppesen Rambøll Greenland-imut pisortaanertut toqqarneqarpoq, taamaasillunilu Rambøll-ip allaffii marluk akisussaaffigilerlugit, Nuummi Sisimiunilu. Henrik Naalakkersuisut immikkoortortaqarfianni Asiaq Greenland Survey-imi ’Senior Project Manager’-itut inissisimalluni ikaarsaarpoq, Kalaallit Nunaatalu iluani niuernerup tungaatigut suleriaatsit misilittagaqarfigilluarsimallugit.

 

Henrik Fenger Jeppesen taarserpaa Niels Erik Hagelqvist. Niels Erik ukiut kingulliit aqqanillit Rambøll Greenlandimut pisortaanertut atorfeqarsimavoq. Piffisami qanittumi Niels Erik Hagelqvist aalajangerpoq ’Senior Project Manager’-itut sulilerniarluni Rambøll Greenland-ip sullitai pilersaarusiallu iluarsartuukkat sammineruniarlugit.

Rambøll Greenland Rambøll Denmark-ip ataani immikkoortortaavoq. Bjarne Jørgensen Rambøll Denmark-imi pisortaanerusoq Rambøll Greenland-imilu siulersuisuni siulittaasuusoq nuannaarutigalugu Henrik Fenger Jeppesen pisortaaninngornerani tikilluaqquaa:  

“Henrik tutsuiginartuuvoq, pisortatut ingerlatsinermik misilittagartooq, ujarasssiuutut ilinniarnikoq annertuumillu nunani issittuni misigisartuulluni. Qularinngilluinnarparput atorfimmut uunga tulluarluinnartuusoq, Kalaallit Nunaata iluani suliffiup ineriartortitsineranut atatillugu. Tamatuma saniatigut nunarsuarmi immikkut ilisamasilinnik tikitsitsisinnaanera qularinngilluinnarparput. Rambøll Kalallit Nunaani ukiut 30-it sinnerlugit pilersaarusiorluni piviusunngortinniakkanik misilittagaqarfeqareerpoq soorlu amma Nuummi Sisimiunilu najuunnikuulluni.

Bjarne Jørgensen nangippoq:

“Nuannaarutigeqaarputtaaq Niels Erik Hagelqvist ’Senior Project Manager’-itut Rambøll Greenland-imi nangikkusummat. Niels misigisartuuvoq paasisimasaqarnertuullunilu, piginnaanerit pisariaqartinneqartut sullitatsinnut atassuteqarnermut pilersaarusiorluni piviusunngortinniakkanillu ineriartortitsinissaannut. Taamaammat Niels pingaaruteqarluinnarpoq Rambøll Kalaallit Nunaanni inissisimanera sakkortusarniarlugu, aammalu Kalaallit Nunaanni sanaartornermut siunnersuisartuni siuttuusutut inissisimaneranut.

Henrik Fenger Jeppesen sulisunut 15-inut akisussaassooq, Nuummi Sisimiunilu. Tamakkiisumik allaffinni qaasuitsup killeqarfiata avannaaani inissisimasuni Rambøll 400 missaani sulisoqarpoq, taamaasillunilu Rambøll nunani issittuni sanaartornermik siunnersuisartuni angissutsikkut siammasissutsikkulu sallersaalluni.