dcsimg Eqqakkanik naggorissaasiorneq Kalaallit Nunaat qorsooqqinnerulersikkumallugu - Ramboll Greenland
    
|
Ramboll has developed an effective method for converting waste into fertile land
4. juni 2015

Eqqakkanik naggorissaasiorneq Kalaallit Nunaat qorsooqqinnerulersikkumallugu

Kalaallit Nunaanni illoqarfiit qanoq iliortariaqarpat innuttaasut ikuallaavik ikuallassinaasamigut inorsarterujussuarlugu eqqaagaangata? Uani sinneruttut issuliarineqartarput naatsiiviliarineqarsinnaasut nunaminertanillu ujarartuunik qorsooqqillutillu naggorissunngortitsisinnaallutik.

 

Tamanna oqaluttuaavoq naatsoq piareersaatitut suliniut pillugu Rambøllimit eqqagassanik naggorissaasiornermilu immikkut ilisimasalik Rasmus Eistedimillu aqunneqartoq. Sisimiut kommunia peqatigalugu, illoqarfik 5.500-t missaani innuttalik, suleqatinilu suliniut nutaamik eqqarsarnermik tunngavilik aallartippaat, oqaluttuarisaanermi Kalaallit Nunaanni suliniutini taamak ittuni annerpaaq.

”Sisimiut tigussaalluinnartumik ajornartorsiorpoq, illoqarfik eqqaasarpoq ukiumut 4.000 tonsit sinnerlugit, ikuallaaviup ikuallassinnaasai qaangerlugit. Tamassuma kingunerisaanik iliuuseqartoqartariaqarpoq eqqakkat katersuutilissanngippata,” Rasmus Eisted oqarpoq.

Issussat nutaat containeritoqqani

Kommuni aningaasaqarnikkut killeqarpoq. Tamassuma kingunerisaanik eqqagassat sinneruttut illoqarfimmut allamut ikuallaaveqarfimmut assartuinnarsinnaanngilai. Aammattaaq nunataani inissaqartitsinngilaq taamaammat suliniummi suleqatigiit Rambøllimeersut eqqakkanik naggorissaasiornissamut periutsimik pitsassuarmik ineriartortitsipput.

“Danmarkimi eqqakkat naggorissaasiarigaangatsigit igalaamernit aseqqukui nunap iluanut inissittarpavut.  Kisianni tamassumunnga piumasaqaataavoq Danmarkimisut silap kiatsiginissaa eqqakkallu annertungaatsialaartut. Tamassumunnga naleqqiullugu Sisimiuni taamaattoqanngimmat, aalajangerpugut containerini siunertaq naapertorlugu allanngortitikkani naggorissaasiorniarluta. Atoqqiinerup aqqani containerit nillataartitat umiarsuakkut assartuussinermik suliffeqarfiup Royal Arctic Line-ip atorunnaagai atorpavut”, Rasmus Eisted nassuiaaqqippoq.

Containerit silaannarissaasiligaapput naggorissaasiornermit kiak aniasoq uteqqillunilu aniannginnerussammat eqqakkaniiginnarluni. Tamanna pingaaruteqarluinnarpoq naggorissaasiorneq iluatsissappat, silaannaap kiassusaa ilaatigut 30-40 celius-itut nillertigisartillugu.

Pilersaarusiaq naapertorlugu ingerlassappat qaammatit 4-6-t qaangiuppata Sisimiut nunamut naggorissaatissaqalissaaq, assersuutigalugu ivikkanik naasulluunniit kingunissaanik naatitsiviusinnaasumik. Neriuutigaarput suliniut Kalaallit Nunaata sinnerani nunarsuarmilu nunani allani ujarartuuni nillernerusuniluunniit isumassarsiorfigineqarsinnaassasoq.

Attaveqarfigitigut

Jørn Hansen
Office manager, Sisimiut
Oqarasuaat+299 866130
Emailjoha@ramboll.gl