Oqaluttuarisaaneq, naleqartitat kulturilu

Rambøll ullutsinni nalunngisarput toqqaannartumik oqaluttuarisaanermik suliffeqarfimmik pilersitsisutta aallartitaannik ingerlatitseqqiisuuvoq. Børge Johannes Rambøllip aamma Johan Georg Hannemannip 1945-mi pilersippaat “Rambøll & Hannemann”. Danmarks Tekniske Universitet-imi (DTU-mi) suleqatigiissimapput.

Attavigisigut

Henrik Fenger Jeppesen

Director, Ramboll Greenland
Oqarasuaat: +299 558600

Sorsunnersuup aappaata aallartilernerani suliffeqarfik pilersissimavaat, imminermini siunertaasimanngilaq nunat assigiinngitsut akornanni suliffeqarfiussasoq. B.J. Rambøllip oqaasii malillugit ”nalaatsornerinnakkut Hannemannilu ullaat ilaanni Professor Anker Egelundip ingeniøritut ilusilersuilluni allaffiani ilaatigut marluulluta suliffigisartakkatsinni – immitsinnut oqarfigigatta. ”Nammineerlutami suliffiutitaarutta?". Suliffeqarfiup ukiut 25-nngortorsiorneranut atatillugu oqalugiaammini, B. J. Rambøll ersarinnerusumik toqqaannarnerusumillu piginnittoqanni saappaa: ”Illoqarfiup qeqqani Universitetimeeqqammerpunga (DTU). Sulluta pinerpoq Hannemannilu illup qalianiippugut manissumi – ilimanarpoq illoqarfik København takusarniarlugu. Naluara eqqaamanerit, Johan, illup qalianiiilluta suliffeqarfik pilersikkusutarput eqqartoripput.”

Ataatsimoornermi nukittussuseq

Piffissap ingerlanerani malunnarsivoq ingeniørit taakku marluullutik imminnut tulluaqqissaartut. J. G. Hannemann ingeniøriuvoq pikkorilluinnartoq, sekundialunnguit ingerlanerinnaani ilutsit suulluunniit misissoqqissaarsinnaallugit. Ingeniøriunermut kajumissuserujussuani takutittarpaa ullut tamaasa allaffimmi suligaangami. Hannemann tusaamanerlutaalaarsimavoq sulisitami titartagaataasa qulaanut silittumik qituttumillu aqerluusamik titartaasarnini pillugu, nassuiaalinngikkaangami eqqartueqatigileraangamigit. Alakkarternerit tamaasa titartakkami aallaqqaataaneernissaat pinngitsoorniarlugu isernerit tamaasa periusinnaarilerpaa titartakkani pappilissamik titartaaviminermik qallertarlugit. Illuatungaani B. J. Rambøll tassaasimavoq inuppalaarluinnartumik inuiaqatigiinnullu tunngatillugu siumut isigisinnaalluinnartoq, eqqummaariffigilluinnarsimavaalu suliffeqarfiup inissisimanera inuiaqatigiinnik ineriartortitsinermi.

"Taamarsuaq siumut isiginnittuusutut eqqarsaatigisassaanngikkaluarpugut. Takorloornikuusimanngisaannaraluarparput ullumikkut suleqatigiinni taamak annertutigisumi inissisimanissarput. Suliffeqarfittulluunniit taasassaanngikkaluarpugut aallaqqaammut, eqqartuinnarnikuuarput qanoq nuannertigissanersoq nammineerluta ilusilersuinermik suliaqarsinnaasuugutta. Nunarsuup oqaluttuarisaanerata avatitsinni pinerani, nammineerluta suliffeqarfiutitta oqaluttuarisaanera aallartisarsimavoq,” B. J. Rambøllip nassuiaatigisimavaa aallaqqaammut anguniagaasimasut Rambøllip ukiut 60-inngortorsiorneranut atatillugu.

Suliffeqarfiup pileqqaarnerani napasuliat aallakaatitsinermut atortut (tv-kkut radiukkullu) pingaarnertut suliarineqartarsimapput. B. J. Rambøllip oqarneratuut J. G. Hannemann ”sisammut asannilersoorsimammat”, taassumalu Danmarkimi Norgemilu napasuliat ungalut tamaasa 1950-ikkunni 1960-ikkunnilu napparneqartut ilusilersorsimavai.

Ileqqorissaartumik sulineq pingaartorujussuuvoq

Ukiuni 60-ini tulliuttuni suliffeqarfimmik mikisumik piginneqatigiinneq nunat assigiinngitsut akornanni suliffeqarfissuanngoriartorsimavoq. Suliffeqarfik ingeniøritut sulinermi assigiinngitsorpassuarnik suliaqarfinngorsimavoq. Suliffeqarfeeraq taanna ullutsinni Rambøll nalunngisatsituut isikkoqartoq tunngavilersimavaa. Suliffeqarfik tunngavimmigut pissutsimigut aalajaatsoq ersarilluinnartumillu isumaliutersuutilik aallarteqqaarnerminiilli. Rambøll Hannemannilu inuttut upperilluinnakkatik peqqutigalugit ilaannikkooriarlutik suliaqarfissanut naaggaartariaqarsimapput. Nakimanatik isumaasa Rambøllip iluaqutigingaatsiarsimavaat.

Piffissamut naleqqiulluni B. J. Rambøll siumut takorluuisinnaasimavoq. 1986-imi aqutsinermi maleruagassat 'Suliffeqarfiup Isumaanut' allassimavai. "Pingaarnersaq tassaavoq inuttut eqqortumik ileqqorissaartumillu pissusilersornissat allallu illit nammineq pineqarusunnertut pisarlugit. Tamanna atuuppoq sullitanut ataasiakkaanut, suleqatinut ataatsimullu isigalugu inuiaqatigiinnut. Eqqortumik ileqqorissaartumillu pissusilersorneq sulinermi qilernerusappit iluamik inissisimaneranut kisimi atuutinngilaq. Piffissaq sivisunerusoq  eqqarsaatigalugu inuit allat inuiaqatigiillu iluamik pinissaanut tunngassuteqarpoq, B. J. Rambøll isumaliutersorneq nassuiaatigaa.

Najoqqutassat ileqqorissaarluinnartut, inuiaqatigiinnut akisussaaffeqarneq sulisullu nuannaartut iluarinnittullu suli Rambøllimi suleriaatsimut tunngatillugu qitiulluinnartuupput. Ukiut ingerlanerini Rambøllimi isumaliutersuut tamanna eqqortuusoq uppernarsarneqarsimavoq. J. B. Rambøllip  isumaliutersuutaani immikkoortumi siullerpaami Rambøllimi sulisut pineqarput. Sulisup inissisimanera pillugu allaatigisaa suli atuuppoq – ullutsinnilu aqqutissiuussilluni.
 Rambøllip Hannemannillu napparusiaattut assersuut

Inunnut tunngasunut eqqummaarinneq

“Inuunerpit annerpaartaa ulluinnarni sulinermut atortarpat. Iluarusunneq tamanna nangartagassaanngilaq – imaluunniit, imatut taarusunnerugukku, nuannaarneq – inuup kialuunniit anguniagaraa. Tamanna eqqarsaatiniitillugu, Rambøllip anguniagai allat anguniakkamik tamassumunnga tamarmik tunngassuteqarput – sulisut iluarinnissimaartut.

Sulisut tamarmik sapinngisamik namminersorlutik sulissapput, isummersorsinnaatitaallutik isummanik pisuunngortitsillutik, piginnaaneqarlutillu pisinnaasartik tamaat. Saniatigut imminnut tapersersoqatigiissapput, suliaminni inuttullu.  Ilaqutariit Rambøllikkut tamatigut anersaaqassapput tatiginninneqatigiinnermik imminullu tatiginninnermik. Suliffeqarfik ingerlalluartuassaaq – suliffeqarfiup iluani avataanilu – piginnaanilittut ingerlaneq inunnullu tunngasunut eqqummaarinneq suliaqarfinni suliani kiffartuussinernilu tamani ersersinneqartarpata” – Rambøllimi isumaliutersuut.

Pilersitsisutta tuiinut tummarlutalusooq suliffeqarfik ineriartortissavarput pilersitsisutsinnit kingornussarput. Suli maanna tunngavitsigut inuit imminerminni pisinnaassusaat upperaarput, paasisimallugulu sullitatsinnut tunniuttakkavut isumassarsiorfiusinnaasartut nunarsuarmi tamani iluatsinnissaannut inuit nutaaliorsinnaanerat, paasisimasaqassusaat innarlerneqarsinnaanngissusaallu apeqqutaasorujussuusut. Piffinni misilittakkavut paasisimasavullu, nunat tamarmillu akornanni misilittakkagut kattullugit, ileqqorissaarluinnartumik politikeqarnerput tamakkiisumillu naatsorsuutigut qaangerlugit anguniagaqartarnitta suliatsinnut suugaluartunulluunniit suliaalluaqqissaartunik pimoorussanillu aaqqiissuteqarsinnaanitsinnik kinguneqartitsisarpoq.

Ramboll Greenland (Pingaarnertut allaffeqarfia)

Ramboll Greenland (Pingaarnertut allaffeqarfia)
Imaneq 32, 2. sal
DK-3900 Nuuk
Greenland
Tel: +299 32 40 88
Fax +299 32 42 84

Mail: ramboll@ramboll.gl

CVR

CVR

Rambøll Kalaallit Nunaat A/S
10146801

Other sites

Other sites